Tramp anlamır, Stiv öz hesabına gəzir... - Rubio Putin və Zelenskini hədəfə aldı

“Prezident Donald Tramp Ukrayna və Rusiyanın müharibəyə son qoymaq üçün niyə razılığa gələ bilmədiklərini başa düşmür”.

Publika.az xəbər verir ki, bu barədə ABŞ dövlət katibi Marko Rubio jurnalistlərə açıqlamasında deyib.

Rubio qeyd edib ki, Trampın müharibə ilə bağlı məyusluğu hər iki tərəfin davranışlarından qaynaqlanır.

“O sadəcə başa düşnmür ki, bu qədər qəddar, dəhşətli və qanlı müharibə aparan iki ölkə niyə hər şeyə son qoymaq barədə razılığa gələ bilmir. O, bunun bitməsini istəyir və bunun üçün çox şey edib. Tramp üçün ən asan ssenari uzunmüddətli münaqişəyə səbəb olan əvvəlki siyasəti davam etdirmək ola bilər, lakin prezident müharibənin bitməsinə böyük siyasi kapital qoyub. Stiv (Trampın danışıqları aparan müşaviri S.Vitkoff) bu işi görmək üçün dünyanı neçə dəfə öz hesabına gəzib. Buna enerji sərf edən çoxlu insanımız var və düşünürəm ki, məsələlərin həllində irəliləyiş əldə etmişik, amma bəzi məsələlər var ki, çox çətin olaraq qalır”, - Rubio bildirib.

Asif