Region

İran hücumu dayandırması üçün ABŞ-a sensasion təkliflər edir - DETALLAR

26 Fevral 2026 17:01

İran Trampı nüvə sazişinə razı salmaq və müharibədən yayındırmaq üçün ABŞ-a maliyyə güzəştləri, o cümlədən, neft-qaz sektorunda investisiya imkanları təklif etmək istəyir.

Publika.az xəbər verir ki, bu barədə “Financial Times” nəşri yazıb.

İranın təklifləri ilə tanış olan diplomatlardan biri nəşrə bildirib ki, Tehran maliyyə qazancı vəd edən sövdələşmə təqdim edir.

“Bu, Tramp üçün xüsusi olaraq hazırlanıb, neft-qaz, mədən, vacib minerallar və digər istiqamətlərdə iqtisadi qazanclar vəd edir. ABŞ-ın İranın neft-qaz sənayesinə investisiya yatırması müzakirə olunub, lakin Vaşinqtona heç bir rəsmi təklif verilməyib”, - nəşr yazır.

Yüksək vəzifəli amerikalı rəsmi qeyd edib ki, İranın belə bir istəyi gündəmdə olsa da, Tehran Vaşinqtona rəsmi şəkildə heç nə bildirməyib.

Bu arada, ABŞ prezidenti Donald Tramp İranın heç vaxt nüvə silahına sahib ola bilməyəcəyini elan edib və razılaşma üçün Tehrana 15 gün vaxt verib.

Asif