Anar Əlizadənin Bodrumdakı lüks yaxtaları yandı
Bizi izləyin
Aptekonline

Region

Anar Əlizadənin Bodrumdakı lüks yaxtaları yandı

Anar Əlizadənin Bodrumdakı lüks yaxtaları yandı

Türkiyənin Muğla vilayətinin Bodrum rayonundakı Yalıkavak marinasında lövbər salan 8 motorlu yaxtada yanğın baş verib.

Publika.az Teleqraf-a istinadla xəbər verir ki, yaxtada naməlum səbəbdən başlayan yanğın yaxınlıqdakı qayıqlara da keçib.

Güclü külək yanğının digər yaxtalara da keçməsinə səbəb olub.

Yalıkavak limanının və yanan yaxtaların "Socar Trading"in təsisçisi və keçmiş prezidenti Anar Əlizadəyə məxsus olduğu bildirilir.

Sahil mühafizəsi tərəfindən yanğın söndürülüb. Yanğının söndürülməsinə 8 su tankeri və təxminən 30 yanğınsöndürən cəlb edilib.

Təxminən üç saat davam edən yanğın nəticəsində 6 yaxta batıb, digər 2 yaxtaya isə ciddi şəkildə ziyan dəyib. Yanan və batan lüks motorlu yaxtaların uzunluğunun 20-30 metr olduğu bildirilib.

Yanğın zamanı yaxtalardakı qaz balonlarının və yanacaq çənlərinin partlaması panikaya səbəb olub.

Yanğının başladığı yaxtadakı heyət üzvü pəncərələrdən özlərini dənizə ataraq xilas ola biliblər.

Photo Photo Photo
Oxumağa davam et
Reklam
Reklam

Gündəm

Aptekonline