ABŞ rəsmisi TƏSDİQLƏDİ - Xarq adasındakı həmin hədəflər vuruldu

ABŞ rəsmisi İranın Xark adasına zərbə endirilməsi barədə məlumatı təsdiqləyib.

Publika.az xəbər verir ki, bu barədə "Axios" portalının jurnalisti Barak Ravid özünün "X" sosial şəbəkə hesabında məlumat paylaşıb.

"Amerikalı rəsminin bildirdiyinə görə, ABŞ Silahlı Qüvvələri Xark adasındakı hərbi hədəflərə zərbələr endirib", - deyə Ravid yazıb.

Aprelin 6-da İran ABŞ-ın 45 günlük atəşkəs təşəbbüsünü rədd edib və münaqişənin nizamlanması üzrə təkliflərdən ibarət 10 bəndlik öz sənədini göndərib. Tələblər arasında sanksiyaların ləğvi və Hörmüz boğazından keçid üçün yeni qaydaların tətbiqi yer alır. ABŞ Prezidenti bu təklifləri "kifayət qədər yaxşı deyil" adlandırıb və Tehranın 48 saat ərzində Vaşinqtonla sövdələşməyə getməyəcəyi və ya Hörmüz boğazını açmayacağı təqdirdə İrana "cəhənnəmi yaşadacağı" ilə hədələyib.

Fevralın 28-də ABŞ İsrail ilə birlikdə İrana qarşı hərbi əməliyyata başlayıb. Cavab olaraq Tehran İsrailə, eləcə də ABŞ-ın Yaxın Şərqdəki, o cümlədən Səudiyyə Ərəbistanı, Bəhreyn, Qətər, Küveyt və BƏƏ-dəki bazalarına raket və pilotsuz uçuş aparatları ilə zərbələr endirir.

Hüseyn İbadlı