İran müvəqqəti atəşkəs ideyasını RƏDD ETDİ

İran müvəqqəti atəşkəs ideyasını qəti şəkildə rədd edir.

Publika.az xəbər verir ki, bu barədə İslam Respublikasının BMT-dəki daimi nümayəndəsi Əmir Səid İravani məlumat verib.

"Belə şəraitdə atəşkəs yalnız yenidən qruplaşmaq və cinayətlərin davam etdirilməsinə hazırlaşmaq üçün xidmət edir", - deyə diplomat qeyd edib.

Aprelin 6-da İran ABŞ-ın 45 günlük atəşkəs təşəbbüsünü rədd edib və münaqişənin nizamlanması üzrə təkliflərdən ibarət 10 bəndlik öz sənədini göndərib. Tələblər arasında sanksiyaların ləğvi və Hörmüz boğazından keçid üçün yeni qaydaların tətbiqi yer alır. ABŞ Prezidenti bu təklifləri "kifayət qədər yaxşı deyil" adlandırıb və Tehranın 48 saat ərzində Vaşinqtonla sövdələşməyə getməyəcəyi və ya Hörmüz boğazını açmayacağı təqdirdə İrana "cəhənnəmi yaşadacağı" ilə hədələyib.

Xatırladaq ki, ABŞ Prezidenti Donald Tramp bu günün İran üçün "həlledici gecə" olduğunu bildirib və əlavə edib ki, bu gecə bütöv bir sivilizasiya məhv ola bilər.

Hüseyn İbadlı