Paşinyan rus dili kursuna gedir

Ermənistanın Baş naziri Nikol Paşinyan əlavə rus dili kurslarına gedir.

Publika.az xəbər verir ki, Paşinyan bunu dövlət qulluqçularının fəaliyyətinin yaxşılaşdırılmasına görə mükafatlandırılması haqqında qanun layihəsinin müzakirə olunduğu hökumət iclasında açıqlayıb.

Əmək və Sosial Məsələlər Naziri Arsen Torosyanın sözlərinə görə, daha səmərəli işləmək üçün dövlət qulluqçuları xarici dilləri, ilk növbədə ingilis dilini öyrənməlidirlər ki, bunsuz məmurlar üçün beynəlxalq ünsiyyət mümkün deyil.

O, dövlət qulluqçularının fəaliyyətinin qiymətləndirilməsinə xarici dil biliyi tələbinin daxil edilməsini təklif edib.

"Niyə yalnız ingilis dili? Məsələn, mən hazırda Dövlət İdarəçilik Akademiyasında rus dili dərslərində iştirak edirəm. Digərləri yapon, çin, ispan və ya alman dillərində dərslər keçə bilərlər", - baş nazir bildirib.

O, cəmiyyəti (xüsusən də oğlanları və gənc kişiləri) təhsili utancverici hesab edən cinayətkar submədəniyyətə xas olan anlayışlardan qurtarmağın vacibliyini qeyd etdi. Baş nazirin fikrincə, buna görə də kişilər Ermənistan əmək bazarında rəqabət qabiliyyətini itirirlər.

Müəllif: Tural