AMEA-nın sabiq prezidenti buna görə İlham Əliyevə təşəkkür etdi - FOTO

“Mən Sizə müraciət etdim, Siz onların hamısını dərhal Akademiyaya qaytardınız”.

Publika.az xəbər verir ki, bu sözləri AMEA-nın sabiq prezidenti Akif Əlizadə president İlham Əliyevlə bügünkü görüşündə səsləndirib.

Prezident xatırladıb ki, o vaxt akademiyanın bəzi binaları başqa qurumlar tərəfindən zəbt edilmişdi. Binaları onlardan alıb akademiyaya qaytarıb: “Binaları zəbt edirdilər, özəlləşdirirdilər, onları sökmək istəyirdilər. Çünki yerlər şəhərin mərkəzində idi. Orada binalar tikmək istəyirdilər”.

Akif Əlizadə də bunun üçün prezidentə dərin minnətdarlığını bildirib:

“Bəli, tamamilə düzdür. Mən Sizə müraciət etdim, Siz onların hamısını dərhal akademiyaya qaytardınız. Sizə o böyük texnopark məsələsinə görə də təşəkkür edirəm. O, akademiyanın gələcəyidir. İndi bizim orada hərbi təyinatlı işlərimiz var. Müdafiə Nazirliyi ilə bizim müqaviləmiz var. Sonra Sərhəd Qoşunları, Kənd Təsərrüfatı Nazirliyi ilə bizim çox gözəl işlərimiz var.

Bütün alimlər adından Sizə təşəkkür edirəm. Hamısı razılıq bildirir, hamısı çalışır. Siz yaxşı bilirsiniz ki, indi əsas istiqamət, əlbəttə, innovativ elmdir, onun tətbiqidir. Tapşırıqlar verilibdir, əminəm ki, biz bu istiqamətdə bundan sonra da inkişaf edəcəyik. Bütün bunlara görə Sizə böyük təşəkkürümüz var”.