Cəbrayılda ikinci və üçüncü yaşayış komplekslərinin təməli qoyuldu
Bizi izləyin
Aptekonline

Rəsmi xronika

Cəbrayılda ikinci və üçüncü yaşayış komplekslərinin təməli qoyuldu

Cəbrayılda ikinci və üçüncü yaşayış komplekslərinin təməli qoyuldu

Azərbaycan Prezidenti İlham Əliyev oktyabrın 28-də Cəbrayıl şəhərində ikinci və üçüncü yaşayış komplekslərinin təməlini qoyub.

Publika.az xəbər verir ki, ikinci yaşayış kompleksi 5,28 hektar ərazidə salınacaq.

Layihə çərçivəsində 5 və 6 mərtəbəli 23 bina inşa ediləcək. Binalarda bir, iki, üç, dörd və beş otaqdan ibarət ümumilikdə 615 mənzil olacaq. Kompleksdə sakinlərin rahat yaşayışı üçün bütün zəruri şərait yaradılacaq.

Dövlət başçısı daha sonra şəhərdə inşa ediləcək üçüncü yaşayış kompleksinin təməlini qoyub. Bu kompleksin də ümumi sahəsi 5 hektardan artıqdır. Burada 5, 6 və 7 mərtəbəli 25 binanın tikintisi planlaşdırılır. Layihəyə əsasən binalarda bir, iki, üç, dörd və beşotaqlı olmaqla 746 mənzilin inşası nəzərdə tutulur.

Hər iki kompleks müasir standartlara uyğun şəkildə tikiləcək, zəruri sosial infrastrukturla təchiz ediləcək və Cəbrayıl şəhərinin bərpası istiqamətində atılan növbəti mühüm addım olacaq.

Photo Photo Photo
Oxumağa davam et
Reklam
Reklam

Gündəm

Aptekonline