Baş ağrısı yaradan qidalar

Diyetoloq Emi Qudson pis qidalanmanın baş ağrıları ilə necə əlaqəli olmasından danışıb.

Publika.az xarici mətbuata istinadən xəbər verir ki, mütəxəssisin sözlərinə görə, baş ağrısı qanda şəkər səviyyəsinin aşağı olması səbəbindən yaranır. Bu, xüsusilə, uzun müddət yemək yeməsəniz, baş verir.

“Naharı ötürdüyünüz zaman qanda şəkər səviyyəsində azalma müşahidə olunur. Şəkərin azalması baş ağrılarına, həmçinin ürəkbulanmaya və hətta başgicəllənməyə səbəb olur.

Qanda şəkər səviyyəsinin aşağı düşməsinə başqa bir səbəb balanssız qidalanma ola bilər. Yalnız karbohidratlara üstünlük verirsinizsə, qanda şəkər miqdarı əvvəlcə yüksəlir, sonra zülal çatışmazlığı səbəbindən daha da düşür. Karbohidratlı qidadan tamamilə imtina etsəniz və ya əhəmiyyətli dərəcədə azaltsanız, nəticələr belə acınacaqlı olmayacaq” , - həkim qeyd edib.

Qudson baş ağrısına səbəb olan daha iki yemək vərdişindən söz açıb. Onun sözlərinə görə, acqarına yalnız şirniyyat yemək və qəhvə içmək olmaz. Hər kəs kofeinə fərqli reaksiya verir, lakin o, sinir sistemini stimullaşdıran bir maddə olduğundan, insanlar acqarına qəhvə içdikdə tez-tez baş ağrısı və narahatlığa səbəb olması barədə xəbərdarlıq edib.