Sağlamlıq

Qadın sağlamlığı üçün olduqca faydalıdır

22 Avqust 2022 14:36

Rusiyalı tibb elmləri namizədi Aleksandra Puriqa qara gavalı qurusunun qadın sağlamlığı üçün faydasından danışıb.

Publika.az xəbər verir ki, həkimin sözlərinə görə, bu məhsulun müntəzəm istifadəsi ömrü uzadır. “Radio Komsomolskaya Pravda”ya danışan ekspert qeyd edib ki, gündə cəmi 50 qram gavalı qurusu yemək sümükləri möhkəmləndirir, onların mineral sıxlığını qoruyur.

Həkim bildirib ki, postmenopozal qadınlarda estrogen səviyyəsinin aşağı olması sümüklərin zəifləmə riskini artıra və sınıqlara səbəb ola bilər. Amma qara gavalı qurusunun gündəlik pəhrizə daxil edilməsi bu prosesi yavaşlatmaqla və ya geri qaytarmaqla sümükləri qorumağa kömək edir.

“Bundan başqa, gavalının tərkibindəki polifenollar ürəyə müsbət təsir göstərir. Həmçinin, bu məhsul qanda xolesterinin səviyyəsini aşağı salmağa və yüksək qan təzyiqinin qarşısını almağa kömək edir”, - Puriqa yekunda vurğulayıb.

Aytən Məftun