Bu şəxslərdə baş ağrıları arta bilər - Dİqqət!
Bizi izləyin

Sağlamlıq

Bu şəxslərdə baş ağrıları arta bilər - Dİqqət!

Baş ağrılarının səbəbi kimi bəzən fəsillərin dəyişməsini görürlər. Ancaq bu, baş ağrısına səbəb ola bilməz.

Publika.az xəbər verir ki, bu sözləri nevroloq Pavel Xoroşev “Sputnik” radiosuna müsahibəsində deyib.

“Fəsillərin dəyişməsi baş ağrılarına təsir edə bilməz. Gündüz saatlarının azalması çox tədricən baş verir, uyğunlaşmaq üçün çox vaxtımız var. Orqanizmimiz atmosfer təzyiqindəki dəyişiklikləri kompensasiya etmək üçün güclü resurslara malikdir”, - həkim qeyd edib.

O, əminliklə əlavə edib ki, orqanizmin bir təzyiqdən digərinə ani dəyişikliklərə uyğunlaşması problem deyil. Nevroloqun sözlərinə görə, baş ağrılarının payızda kəskinləşməsi virus infeksiyalarının yayılması ilə bağlı ola bilər. Bədənin intoksikasiyası beynə təsir edir. Buna görə də özünüzü soyuqdəymədən qoruyun. Həkim özünü müalicə etməməyi də tövsiyə edib, məsələn, soyuqdəymə zamanı antiviral dərman qəbul etməyin.

“Orqanizmdə beyindən başqa istənilən toxumanın tərkibində immun hüceyrələri var. Toxumalar üşüyəndə immun sisteminin fəaliyyəti kəskin şəkildə ləngiyir, bir qədər “qış yuxusuna” gedir, nəticədə viruslar və bakteriyalar üçün daha rahat şərait meydana gəlir. Ona görə də həddindən artıq üşüməmək vacibdir”, - Xoroşev xəbərdarlıq edib.

Aytən Məftun

Oxumağa davam et
Reklam
Reklam

Gündəm