Uşaqlıq xərçənginin əlamətləri

Uşaqlıq boynu xərçəngi HPV (papillomavirusu) viruslarının yaratdığı infeksiyalar nəticəsində baş verir. Adətən 50 yaş civarında yaranan uşaqlıq boynu xərçəngi indi gənclərdə də müşahidə edilir.

Publika.az xəbər verir ki, bu virus cinsi yolla keçən xəstəliklər qrupunda idi. Lakin araşdırmalar nəticəsində onun təmas yolu ilə də keçə biləcəyi məlum olub.

Uşaqlıq boynu xərçəngi qadınlarda ən çox rast gəlinən dördüncü xərçəng növüdür və 2020-ci ildə 604 000 yeni xəstənin qeydə alındığı təxmin edilir. Cancer.net-in məlumatına görə, daha çox 35-44 yaş qrupuna diaqnoz qoyulub.

Bu statistik məlumatlar bir daha göstərib ki, xərçəng inkişaf etmədən erkən əlamətləri aşkar etmək lazımdır.

Uşaqlıq boynu xərçənginin əlamətləri

anormal vaginal qanaxma

Vaginadan qeyri-adi axıntı

Cinsi əlaqə zamanı ağrı

Çanaq bölgəsində ağrı

Uşaqlıq boynu xərçənginin inkişaf riskini necə azaltmalı?

Cinsi əlaqə zamanı prezervativdən istifadə etmək qadın HPV-yə yoluxma və ötürmə riskini azaltmağa kömək edir.

HPV peyvəndi uşaqlıq boynu xərçənginə səbəb olan HPV növlərindən qoruyur.

Əgər uşaqlıq boynu xərçəngindən şübhələnirsinizsə, əlavə müayinə üçün həkiminizlə danışın.