Həkim qocalmanı gecikdirən gənclik iksirini açdı

Aralıq dənizi pəhrizi, düzgün, aktiv və hərkətli həyat tərzi bədəndəki qocalma prosesinin sürətini azaltmağa kömək edir.

Publika.az xəbər verir ki, bu sözləri gerontoloq, geriatr, Gerontologiya Elmi-Tədqiqat Tibb Mərkəzinin direktoru Kirill Proşayev deyib. O qeyd edib ki, bəşəriyyət həmişə gənclik və ölməzlik iksirini axtarıb, ancaq daha asan yollar var.

“Geroprotektorlar - qocalmanı ləngidən dərmanlar üzərində çoxlu araşdırmalar aparır. Amma maraqlıdır ki, bu gün arsenalımızda alimlərin dərman hesab etdiyi iki qeyri-dərman faktoru meydana çıxıb. Bu, müəyyən pəhriz və hərəkət rejimdir.

İnsan hərəkət edərkən bədənində azot oksidi hormonu damar endotelində sərbəst buraxılır. O, damarların genişlənməsinə, qan təzyiqinin aşağı salınmasına və damar divarının aterosklerotik proseslərə müqavimətinin artmasına kömək edir.

Bu gün Ümumdünya Səhiyyə Təşkilatı Aralıq dənizi pəhrizini ən məqbul qidalanma modellərindən biri kimi tövsiyə edir. Aydın məsələdir ki, hər kəs Aralıq dənizində yaşamır, relyefin, bəzi milli xüsusiyyətlərin təsiri var, amma əsasən belə bir pəhriz tövsiyə olunur”, - Proşayev "ura.ru"-ya müsahibəsində bildirib.

Aytən Məftun