Fuad Nağıyev Turizm agentliyinin 7 aylıq fəaliyyətini qiymətləndirdi

“Turizm agentliyi yeddi aylıq fəaliyyəti ərzində ölkə başçısının bizə olan etimadını doğruldub”.

Publika.az xəbər verir ki, bu sözləri Turizm Agentliyinin rəhbəri Fuad Nağıyev 2018-ci ilin Milli Turizm Sammitində çıxışı zamanı deyib:

“Çox gənc agentlik olmağımıza baxmayaraq turizmin inkişafında zəruri olan bütün sahələrə diqqət ayırırıq. Turizm sahəsində olan ən son statistik göstəriciləri örnək alaraq yeni hədəflər müəyyənləşdiririk. Biz Azərbaycanda turizmin inkişafı üçün ən önəmli faktorlardan birinə - xidmət sektoruna xüsusi diqqət ayırmışıq, bu sahə üzrə təhsilin yüksək səviyyəyə çatdırılması istiqamətində layihələr hazırlanır. Agentliyimiz tərəfindən bu və digər istiqamətlərdə önəmli addımlar atılacaq. Bir neçə dəqiqə sonra siz Azərbaycanın yeni turizm brendi ilə tanış olacaqsınız. Bu sahədə ölkə başçısı İlhamə Əliyevin və vitse-prezidentimiz Mehriban Əliyevanın bizə göstərdiyi diqqətə və etimada görə təşəkkür edirik”.

Turizmin sürətli inkişafı üçün Turizm agentliyinin üzərinə çox ciddi məsuliyyət düşdüyünü deyən Fuad Nağıyev bu sahədə digər qurumların da fəaliyyəti önəmli olduğunu qeyd edib.

Könül Cəfərli