Bakıda VI Ağıl Oyunları Festivalı keçiriləcək
Bizi izləyin

Sosial

Bakıda VI Ağıl Oyunları Festivalı keçiriləcək

Azərbaycan Respublikası Gənclər Fondunun dəstəyi və Xəzər İntellektual Gənclər Klubunun təşkilatçılığı ilə ənənəvi "VI Ağıl Oyunları Festivalı’’ keçiriləcək.

Publika.az xəbər verir ki, populyar intellektual oyunlar olan “Nə? Harada? Nə zaman?” və Xəmsə Milli İntellektual Oyunu üzrə təşkil ediləcək Festival Xəzər İntellektual Gənclər Klubu tərəfindən hər il keçirilən ənənəvi turnirlərdəndir. Festival çərçivəsində seçim turları və finalın keçirilməsi planlaşdırılır.

VI Ağıl Oyunları Festivalının keçirilməsində məqsəd gənclərin asudə vaxtlarının səmərəli təşkili, onların intellektual inkişafının təmin olunması və intellektual oyunlar hərəkatının bütün ölkəni əhatə etməsinin reallaşdırılmasıdır.

Layihənin seçim turları dekabr-fevral ayları ərzində keçiriləcək. Seçim turlarında ən yaxşı nəticə göstərmiş komandalar Festivalın finalına vəsiqə qazanacaqlar. Final oyunu fevral ayının sonunda Bakı şəhərində təşkil olunacaqdır.

Oxumağa davam et
Reklam
Reklam

Gündəm