ASAN Xidmətin rəhbəri: "Bu cərimələr ləğv edilə bilər"

Bütün xidmətlər kimi icazə sistemi də mütəmadi yoxlamalardan keçirilir.

Publika.az xəbər verir ki, bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Operativ Qərargahın bu günükü brifinqdə deyib: "Sistemdə şəxsin icazəsi varsa və aktivdirsə, ona karantin rejimi müddətində icazə verilmiş sayılır. Texniki səbəblərdən bu görünməyibsə, cərimə olunubsa, bu araşdırılıb, cərimə ləğv oluna bilər".

Kamran Əliyev əlavə edib ki, bununla bağlı müraciətlər daxil olub: "Lakin məsələ araşdırılaraq, belə halın olmadığı aşkarlanıb. Vətəndaşın özünə də göstərilir ki, portalda adı olmur. Ola bilər ki, inzibati cərimədən sonra məlumat portala daxil edilib. Bu zaman cərimə ləğv oluna bilməz. Bir neçə nəfər müraciət etmişdi ki, guya məlumatı daxil ediblər, silinib və sonradan məlumat görünüb. Əgər onlar bu halı sübut edə biləcəklərsə, bu protokol ləğv ediləcək".

Ülvi Mehdiyev əlavə edib ki, icaze.gov.az portalında hər kəsin şəxsi kabineti var: "Vətəndaş evi tərk etməzdən əvvəl portalda icazəsi olub olmadığını yoxlaya bilər".