Bakıda iyrənc hadisə - Marketdə satılan kolbasadan milçək çıxdı - FOTO

"Marketdən yerində doğradaraq SAB kolbasası aldım. Evə gəldim uşaq dedi ata kolbasanın içində nəsə var, diqqətlə baxdım ki, milçəkdir.Ürəyimiz ağzımıza gəldi, Allahdan uşaqlar diqqətlidir ki yeməyib. Marketə şikayət etdim, istehsalçı firma gəlsin cavab versin dedim".

Publika.az xəbər verir ki, bu sözləri Orxan Hüseynli adlı şikayətçi deyib. O, bildirib ki, 2 aydır SAB firmasından məsələ ilə bağlı cavab ala bilmir: "Firmanın heç vecinə deyil, heç bir məsul şəxs cavabdehlik daşımır. Telefonlarına heç bir halda cavab verilmir. Zaman itirmədən Qida Təhlükəsizlik Agentliyinə bildirdim. Dedilər araşdırılıb cavab veriləcək. 2 aydan çoxdur ki, heç bir formada cavab verilməyib, dəfələrlə zəng etmişəm, deyirlər cavab veriləcək. Halbuki qanunvericiliyə əsasən 15 gün zəruri halda 30 gün ərzində vətəndaşın müraciətinə cavab verilməlidi. Həqiqətən dəhşətə gəlirəm. Gündəlik kolbasanın içərisində milçək çıxıbsa əslində bütün cavabdehlər ələ ayağa düşməlidirlər. Ama bunlar o qədər rahatdırlar ki, heç işlə maraqlanmırlar belə. Mən heçkimin haqqına girməyim deyə bu qədər müddət gözlədim ki,bəlkə sivil formada açıqlama verilər və üzrxahlıq edilər. Ama olmadı".