Sosial
Ədliyyə orqanlarında işləmək istəyənlərin NƏZƏRİNƏ
Ədliyyə Nazirliyinin kadr heyətinin yeni nəsil mütəxəssislərlə möhkəmləndirilməsi, onların layiqli dövlət qulluqçusu kimi formalaşması, bilik, bacarıq və potensialından səmərəli istifadə edilməsi istiqamətində ardıcıl və məqsədyönlü tədbirlər görülür.
Nazirliyin mətbuat xidmətindən Publika.az-a bildiriblər ki, dövlət gənclər siyasətinə uyğun olaraq ədliyyə orqanlarına gənc hüquqşünasların qulluğa qəbulu ilə bağlı aşkarlıq şəraitində, vətəndaş cəmiyyətinin nümayəndələrinin iştirakı ilə mütəmadi müsabiqələr keçirilir.
Bu tədbirlər çərçivəsində bölgələrdə yerləşən Ədliyyə Nazirliyinin icra və probasiya, habelə qeydiyyat qurumlarında (Bakı və Sumqayıt şəhərləri, Abşeron rayonu istisna olmaqla) vakant ştat vahidlərinin komplektləşdirilməsi üçün elan edilmiş müsabiqə üzrə növbəti test imtahanının xüsusi karantin rejiminin yumşaldılması ilə əlaqədar fevralın 13-də keçirilməsi nəzərdə tutulub. Bununla bağlı həmin qurumlarda işləmək arzusunda olan şəxslərin ərizələrinin qəbulunun fevralın 10-da başa çatdırılması qərara alınıb. Bildirilir ki, test imtahanı Dövlət İmtahan Mərkəzi ilə birlikdə müasir texnologiyalar tətbiq edilməklə, kompüter vasitəsilə, Mərkəzin Bakı şəhəri Nəsimi rayonu, Abdulvahab Salamzadə küçəsi 28 ünvanında yerləşən inzibati binasında keçiriləcək.
COVID-19 pandemiyası ilə bağlı xüsusi karantin rejiminin tələblərinə əməl olunması məqsədilə iki qrupda - saat 10:00-da və 15:00-da başlanacaq imtahanda namizədlərə iştirak saatları barədə fərdi qaydada məlumat veriləcək. İmtahanda buraxılış rejiminin və yerləşdirilmənin təmin olunması üçün namizədlər azı bir saat əvvəl gəlməli və şəxsiyyət vəsiqəsini mütləq təqdim etməlidirlər. Şəxsiyyət vəsiqəsi olmadıqda namizəd imtahana buraxılmır.
Qaydalara əsasən test imtahanının nəticəsinə görə 55 və daha artıq bal toplamış namizədlərin zəruri sənədlərini təqdim etməsi, həmçinin onların yoxlanılması bu mərhələdən sonra həyata keçiriləcək və qanunvericiliklə müəyyən edilmiş tələblərə cavab verən şəxslər müsabiqənin ikinci mərhələsinə – söhbətə buraxılacaqlar.
Xatırladılır ki, imtahana hazırlıqla bağlı “Yaddaş kitabçası”, habelə test imtahanında kompüterdən istifadəyə dair Təlimat nazirliyin internet səhifəsində “Qulluğa qəbul” bölməsində və namizədlərin elektron kabinetlərində yerləşdirilib, habelə bu sənədlər nazirliyə və regional ədliyyə idarələrinə müraciət edənlərə təqdim olunur.
Qeyd edilir ki, arzu edən namizədlərə test imtahanına və söhbət mərhələsinə mükəmməl hazırlaşmalarına və yüksək nəticələr əldə etmələrinə kömək məqsədilə Ədliyyə Akademiyasında xüsusi hazırlıq kursları onlayn qaydada təşkil edilib.
Əlavə məlumatları (012) 538-01-62, (012) 538-08-85 nömrəli telefonlar vasitəsilə əldə etmək mümkündür.
İmtahan binasına getmək üçün naviqasiya məlumatları nazirliyin internet səhifəsində yerləşdirilib.
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR