Sosial

Bakıda 14 qəbul məntəqəsi yaradıldı - SİYAHI

31 Mart 2021 13:05

Bakıda istifadə olunmuş batareya daşlarının qəbulu məntəqələri yaradılıb.

Publika.az xəbər verir ki, zibil qutusuna atılan bir batareya daşı ağır metallarla 400 litr su və ya 20 kvadrat metr ərazini çirkləndirə bilər. Zibil qutusuna atılan batareya daşı zibilliyə düşür və orada korroziya və ya yanma prosesi nəticəsində özündən hava və ya qrunt suları vasitəsilə yayılaraq qida və ya su ilə orqanizmizə daxil olacaq zərərli maddələr buraxır. Orqanizmdə toplanmaq xüsusiyyətinə malik olduğundan zərərli maddələr hətta az miqdarda olduqları halda belə onkoloji, reproduktiv və digər ciddi xəstəliklərə səbəb ola bilər.

Batareya daşlarının hamısında insan sağlamlığına çox ciddi ziyan vuran toksik elementlər var:

● qurğuşun - böyrəklərə, qaraciyərə və sinir sisteminə, sümük toxumasına təsir edir, qan hüceyrələrinin ölümünə səbəb olur

● kadmium - ağciyərə və böyrəklərə zərər verir

● civə - sinir sisteminə, qaraciyərə, böyrəklərə, mədə-bağırsaq traktına, tənəffüs yollarına zərər verir

● nikel və sink - əsasən mədəaltı vəz, bağırsaq, qaraciyər və beyinə zərər verir

● qələvilər - selikli qişaları və dərini yandırır

Bunun qarşısını almaq üçün, ilk növbədə çoxdəfəli akkumulyatorlarla əvəz etməklə batareya daşlarının istifadəsini azaltmalı, eləcə də istifadə olunduqdan sonra onlar qəbul məntəqələrinə təhvil verilməlidir.

Bakıda bunu IDEA Campaign tərəfindən quraşdırılan istifadə olunmuş batareya daşlarının toplanması konteynerləri vasitəsilə etmək olar.

Batareya daşlarının qəbul məntəqələrinin ünvanları:

1. 6 saylı məktəb-lisey.

Ünvan: Şövkət Ələkbərova küç, 2

2. 23 saylı orta məktəb

Ünvan: 28 May küç., 16

3. 132-134 saylı təhsil Kompleksi

Ünvan: İstiqlaliyyət küç.,, 51

4. BANM - Bakı Ali Neft Məktəbi

Ünvan: Xocalı prosp., 30

5. Oxbridge Academy

Ünvan: Heydər Əliyev prosp., 203