Azərbaycanda ŞOK OLAY: 14 yaşlı qız 36 yaşlı kişi ilə... - FOTO

Mayın 5-də Lənkəran şəhərinin istirahət mərkəzlərinin birində 14 yaşlı qızla 36 yaşlı kişinin nişan mərasimi keçirilib. Nişanlanan qız Masallı rayon Bədəlan kənd sakini, Bədəlan kənd tam orta məktəbinin 8-ci sinif şagirdi Zeynəb İsmayılova (ad, soyad şərtidir) olub.

Publika.az xəbər verir ki, bu barədə “Azərbaycan Uşaqları” İctimai Birliyinin sədri Kəmalə Ağazadə sosial şəbəkə hesabında məlumat verib. O bildirib ki, 14 yaşlı məktəbli qızın atası vəfat etdiyi üçün hazırda anası ilə birlikdə Bədəlan kəndində babasının evində yaşayır. Seymur adlı oğlan isə Rusiya vətəndaşıdır və orada sahibkarlıqla məşğul olur.

K.Ağazadə əlavə edib ki, qız özündən 24 yaş böyük nişanlısı ilə Rusiyada yaşayacaq:

“Bir müddət sonra isə 36 yaşlı şəxs ailədən etibarnamə alaraq qızı da Rusiyaya aparacaq. Sonra da 14 yaşlı qız ana olmağa hazırlaşacaq.

Bədəlan kənd tam orta məktəbin direktoru Arif Mehdiyev və Bədəlan kənd ərazi nümayəndəsi Rza Nağıyev belə bir hadisənin olmasını təkzib edib. Neynək! O, təkzib edib, biz araşdıraq da... Mən də bir kiçik araşdırma apardım. Nişan olub və hamı susur. Başqa şəkillər də var, susanların şəkli. Şəkil sizi aldatmasın. “Gəlin” boy-buxunludur, yaşı da 14...”