Sosial

Rus Pravoslav Kilsəsinin Bakı və Azərbaycan Yeparxiyasının arxiyepiskopu vəfat etdi

10 İyun 2021 22:24

Bu gün uzun sürən xəstəlikdən sonra Rus Pravoslav Kilsəsinin Bakı və Azərbaycan Yeparxiyasının arxiyepiskopu Aleksandr İşein 69 yaşında vəfat edib.

Publika.az xəbər veri ki, bu barədə Bakı və Azərbaycan Yeparxiyasının mətbuat katibliyindən bildirilib.

Qeyd edək ki, arxiyepiskop Aleksandr 13 iyun 1952-ci ildə Rusiya Federasiyasının Yaroslavl şəhərində doğulub. O, Moskva Ruhani Seminariyasını bitirib və 1988-ci ildə arximandrit səviyyəsinə yüksəlib. Aleksandr İşein 28 dekabr 1998-ci ildə Bakı yeparxiyasının yepiskopluğuna təyin olunub. 18 iyul 2012-ci ildə isə arxiyepiskop dini dərəcəsinə yüksəlib.

Mərhum 27 dekabr 2018-ci ildən Azərbaycan İlahiyyat İnstitutunun Himayəçilər Şurasının üzvü olub.