Sosial

11 yaşında uşağı olan uşaq... - Aysel Əlizadə pedofiliyadan yazdı

30 Oktyabr 2021 16:19

"11 yaşında “uşağı olan uşaq” haqda bilmirəm nə deyim… İllərdir bu mövzunun içindəyəm, belə hadisə çox olur, düşündüyümüzdən çox. Adətən bu dəhşətli cinayəti evin içində yaxın adam edir. Bunun adı pedofiliyadı".

Publika.az xəbər verir ki, bunu tanınmış yazıçı Aysel Əlizadə İmişlidə cinsi zorakılığa məruz qalan 11 yaşlı uşaq haqqında bəhs edərkən deyib.

Yazıçı bildirib ki, pedofiliya haqqında bizim cəmiyyət məlumatsızdı:

"Ona görə ki, qorunma mexanizmləri işlənməyib. Uşaq hüquqları sıfırdı. Məlumatsız cəmiyyətdə isə çox vaxt adamlar inanmır, anlamırlar təhlükəni. Təkcə qızlar deyil, oğlanlar da məruz qalır bu vəhşətə və onları qoruyan, kömək edən demək olar kimsələri yoxdu. Üç yaşından ailə dostları tərəfindən seksual zorakılığa uğrayan 19 yaşlı bir oğlanın hekayəsini yazacam, gücüm çatsa…"

Tural Turan