Uşaq dünyaya gətirən 11 yaşlı qızla bağlı YENİ XƏBƏR - FOTO

İmişlidə atalığı tərəfindən təcavüzə məruz qalaraq hamilə qalan 11 yaşlı qızın və 7 aylıq dünyaya gələn körpəsinin son durumu məlum olub.

M.Ə.Mirqasımov adına Respublika Klinik Xəstəxanasının Neontalogiya bölməsinin rəhbəri Elşad Şıxəliyev Publika.az-a bildirib ki, hazırda körpənin vəziyyəti ağır olaraq qiymətləndirilir: "Ötən gün körpə 13:15 radələrində qeysəriyyə əməliyyatı ilə 31 həftəlik 1,9 kq olaraq dünyaya gəldi. Cinsiyyəti qızdır. Körpənin vəziyyəti həftəsi və çəkisi az olduğu üçün orta-ağır dəyərləndirildi və reanimasiya şöbəsinə qaldırıldı. Dünəndən də etibarən vəziyyəti izlənilir. Monitor dəyərlərinə görə hazırda körpə süni tənəffüs aparatına bağlıdır, vəziyyəti ağırdır".

11 yaşlı ana ilə əlaqədar həkim bildirib ki, standart əməliyyat sonrası izlənilmələr davam edir: "Ananın vəziyyəti qənaətbəxşdir. Hazırda uşaq süni nəfəs aparatına qoşulduğu üçün xəstəxanadan onun nə vaxt çıxacağı ilə bağlı dəqiq məlumat demək mümkün deyil. Önümüzdəki günlərdə bununla bağlı, eyni zamanda vəziyyəti ilə əlaqədar məlumatlar açıqlanacaq. Körpə süni tənəffüs aparatına bağlı olduğu üçün bunun nə qədər müddət çəkəcəyi ilə bağlı da dəqiq məlumat söyləmək mümkün deyil".

Akqabay