Sosial

O qadınlar fotolarını yaymır ki, həyat yoldaşı... - Siyavuş Novruzov

27 Dekabr 2021 13:10

“Gender problemi təkcə Azərbaycanda deyil, dünyada ən aktual problemlərdən biridir. Buna yanaşmalar da fərqlidir. Hesab edirəm ki, təbii yolla seçim daha məqsədəuyğundur, nəinki inzibati tədbirlər formasında”.

Publika.az xəbər verir ki, bunu Milli Məclisdə çıxışı zamanı deputat Siyavuş Novruzov deyib.

Onun sözlərinə görə, indi belə şərt qoyulur ki, icra başçısının müavinlərindən biri xanım olsun: “Bəlkə elə rayon olacaq ki, icra başçısının üç müavini xanım olacaq. Və ya bəlkə icra başçısının özü xanım oldu. Bu məsələlərin həllini təbii axara buraxmaq lazımdır”.

Siyvuş Novruzov bildirib ki, Bakı, Sumqayıt və Gəncə şəhərini çıxmaqla, yerdə qalan rayon və kəndlərdə bələdiyyə seçkiləri zamanı qadın namizədlərin sayı çox olmayıb: “Üstəlik, namizəd olan qadınlar fotolarını yaymır ki, həyat yoldaşı icazə vermir. Məncə, bu problemlər zamanla həll edilməlidir. Əks halda, bunu inzibati üsullarla yoluna qoymaq çətinlik yaradacaq”.