Uşaqpulu 300 manata qaldırıldı

Milli Məclisdə dövlət büdcə zərfinə daxil olan “Dövlət Sosial Müdafiə Fondunun 2022-ci il büdcəsi haqqında” qanun layihəsini ikinci oxunuşda müzakirəyə çıxarılıb.

Publika.az xəbər verir ki, layihəni Əmək və sosial siyasət komitəsinin sədri Musa Quliyev təqdim edib.

Komitə sədri Musa Quliyev Azərbaycanın son 12 ilinin ən böyük büdcə artımı ilə bağlı rəsmi qərarların qəbulunun əhəmiyyəti barədə fikirlərini bölüşüb. O, Böyük Zəfərin və dəmir yumruq kimi birliyimizin rəmzi olan Şuşa şəhərinin xalqımızın hayatında və türk dünyasındakı yeri haqqında fikirlərini səsləndirib.

Komitə sədri deyib ki, Azərbaycanın iqtisadi güc artqıca aztəminatlı təbəqənin sosial rifahının artmasına imkan verəcək:

“Birinci oxunuşda bu barədə məlumat verdiyim üçün məsələlərə dərindən toxunmuram. Dövlət Sosial Müdafiə Fondunun gəlirləri və xərcləri 299 milyon 500 min manat artıralacaq. Bu məbləğin böyük hissəsi prezidentin sərəncamı ilə aztəminatlı ailələrin rifahına yönəldiləcək.

Bundan əlavə, uşaqların doğulması ilə əlaqədar müavinət 200 manatdan 300 manata qaldırılıb və bu sahəyə əlavə 4 milyon manat artırılacaq. Layihənin mahiyyətinə dəyişiklik edilməyib. Mən həmkarlarımı sənədi müdafiə etməyə çağırıram”.