Sosial
Gəlin Anarı həyata qaytaraq! - FOTO/VİDEO
Ceyhun və Nuranə Eyvazovlar ailəsi 6 yaşlı oğulları Anarı xilas etmək üçün qayğıkeş insanlardan kömək istəyir. Qan xərçəngindən əziyyət çəkən Anara ilik transplantasiya olunmalıdır, əks halda ailə övladlarını itirə bilər.
Publika.az xəbər verir ki, may ayında 6 yaşlı Anar Eyvazovun gündən-günə zəiflədiyini və iştahsız olduğunu görən valideynləri onu əvvəlcə qeydiyyatda olduğu uşaq poliklinikasına aparıblar. Həkimlərin göstərişi ilə qan analizi verilib və analizin nəticəsinə əsasən Anara anemiya diaqnozu qoyulub. Qoyulan diaqnozdan əmin olmaq üçün ailə digər özəl bir klinikaya göndərilib. Bu dəfə isə analizlərin nəticələrinə əsasən Anarın qanında leykositlərin normadan dəfələrlə çox, homoqlobalinin isə çox az olduğu aşkarlanıb. Bu səbəbdən ailə təcili qan institutuna üz tutub. Orda verilən analizdən sonra məlum olub ki, Anar kəskin leykoz qan xərçəngindən əziyyət çəkir. Ailəyə bildirilib ki, əgər tez bir müddətdə müalicəyə başlanılmasa, uşağın vəziyyəti daha da ağırlaşaqcaq.
Bundan sonra ailə Anarın analiz və test nəticələrini müxtəlif ölkələrdəki tibb müəssisələrinə göndərib. Cavabında bildirilib ki, xəstənin müalicəsi üçün 65 min dollar vəsait lazımdır. Müalicəni gecikdirməmək üçün Eyvazovlar ailəsi yaxınlarının və tanışlarının yardımı ilə Belorusa yollanıblar.
Müalicə üçün müəyyən məbləğ toplansa da, bu, ilik transplantasiyası və dərmanlar üçün yetərli olmayıb. Ailənin isə bu vəsaiti ödəməyə imkanı yoxdur. Bu səbəbdən valideynlər xeyirxah insanlardan dəstək istəyirlər. Valideynlərin maddi durumu bu ehtiyacları ödəyəcək vəziyyətdə deyil. Mühafizəçi işləyən və başqa bir gəliri olmayan ata hazırda çarəsiz haldadır:
“Əlimizdəki pulla Minskə gəldik. Lakin burada olunan ilik-sümük testlərinin nəticəsində bildirildi ki, Anara ilik transplantasiyası edilməlidir, bunun üçün də 150 min dollara ehtiyac var. Hazırda Anarın müalicəsində çox bahalı dərmanlardan istifadə olunur. Yığılan yardımlar isə bitmək üzrədir. Hazırda olduğumuz xəstəxanada müalicə xərclərinin bir hissəsini ödəmişik. Azərbaycanın imkanlı şəxslərinə üz tutub oğlumun xilası üçün yardım etməyi xahiş edirəm. Şəfqət və mərhəmətinizi bizdən əsirgəməyin”, - Ceyhun Eyvazov bildirib.
Qeyd: Anar Eyvazova dəstək olmaq istəyənlər fotodakı bank hesabına ödəniş edə bilərlər.
Əlaqə nömrəsi: 070 344 19 99
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər