Rusiya Kiyevin və NATO-nun planlarından xəbərdardır

Rusiya Kiyevin “çirkli bomba” və NATO-nun nüvə silahlarının Ukraynada yerləşdirilməsi planlarından xəbərdardır.

Publika.az “TASS” a istinadən xəbər verir ki, bu sözləri Rusiyanın müdafiə naziri, ordu generalı Sergey Şoyqu bildirib.

“Biz Kiyevin “çirkli” nüvə bombası yaratmaq cəhdlərindən, habelə Ukrayna ərazisində NATO-un nüvə silahları yerləşdirməyə hazırlaşdığından xəbərdarıq. Bu yaxınlarda Ukrayna prezidenti Qərb ölkələrini Rusiyaya qarşı qabaqlayıcı nüvə zərbələri endirməyə çağırıb”, - Şoyqu deyib.

Bundan əvvəl Dövlət Dumasının Müdafiə Komitəsinin üzvü, ehtiyatda olan general-leytenant, Rusiya Silahlı Qüvvələrinin Suriyadakı əməliyyatının iştirakçısı Andrey Qurulev NATO ilə toqquşmanın nüvə apokalipsisinin başlanğıcı olub-olmayacağı haqda danışmışdı.

Onun sözlərinə görə, indiki “çirkli bomba” təhdidləri və ondan əvvəl Rusiyanın guya taktiki nüvə silahından istifadə edəcəyinə dair “xırıltılar” Rusiyanı bu cür silahlardan istifadə etməyə məcbur etmək üçün tədbirlər kompleksidir.

Ayşən Rəhim