Qadın, yazdığı reseptə görə həkimi öldürmək istədi
Bizi izləyin
Aptekonline

Sosial

Qadın, yazdığı reseptə görə həkimi öldürmək istədi

Rusiyalı qadın həkimin yazdığı dərmanlara görə onu öldürməyə cəhd edib.

Trans-Baykal diyarının Ksenievka kəndində hüquq-mühafizə orqanlarının əməkdaşları həkimə bıçaqla hücum edən 63 yaşlı yerli sakini saxlayıblar.

Publika.az “lenta.ru”ya istinadən xəbər verir ki, bu barədə Rusiya İstintaq Komitəsinin (TFR) regional istintaq idarəsinin rəsmi nümayəndəsi Yeqor Markov məlumat verib.

Qeyd edək ki, saxlanılan şəxsə qarşı cinayət işi açılıb. İstintaqın məlumatına görə, o, noyabrın 28-də həkim qəbulunda münaqişə yaradıb, daha sonra bıçaq çıxararaq 54 yaşlı qadına bir neçə zərbə vurub. Vaxtında gələn digər həkimlər zərərçəkənə yardım göstəriblər.

Xatırladaq ki, saxlanılan şəxsə psixoloji və psixiatrik müayinə təyin olunacaq. Əvvəllər o, quldurluq, xuliqanlıq və ölümlə hədələmə ittihamları ilə cinayət məsuliyyətinə cəlb edilib.

Ayşən Rəhim

Teqlər
Oxumağa davam et
Reklam
Reklam

Gündəm

Aptekonline