Yeniyetmə qızlar və sosial şəbəkələr: QORXULU TƏSİR - ARAŞDIRMA

Sosial şəbəkələr gənclərin, xüsusən də yeniyetmə qızların psixi sağlamlığına ciddi ziyan vura bilər.

Publika.az xəbər verir ki, bunu ABŞ cərrahı general Vivek Mursi bildirib.

Vivek Mursi ABŞ federal hökumətinin ictimai səhiyyə üzrə əsas nümayəndəsi olan ABŞ İctimai Səhiyyə Məmurları Korpusunun rəhbəridir.

O, texnologiya şirkətlərini beyin inkişafının kritik mərhələlərində olan uşaqlar üçün qoruyucu vasitələr təqdim etməyə çağırıb.

O, əlavə edib ki, sosial şəbəkələrin müəyyən üstünlükləri olsa da, onların “uşaqların rifahına zərər verə biləcəyi” ilə bağlı bir çox göstəricilər var.

"Biz gənclərin psixi sağlamlığı ilə bağlı milli böhranın ortasındayıq və mən narahatam ki, sosial media bu böhranda təcili həll etməli olduğumuz vacib amildir ", - həkim deyib.

Vivek Mursi deyir ki, sosial mediadan istifadə bədən imicində problemlər yarada və onu davam etdirə bilər. Bu, onun yemək davranışına və yuxu keyfiyyətinə təsir göstərir. Sosial müqayisələrə və xüsusilə yeniyetmə qızlar arasında özünəinamın aşağı düşməsinə səbəb olur.

Gündə 3 saatdan çox vaxtını sosial şəbəkələrdə keçirən yeniyetmələr psixi sağlamlığın ikiqat pisləşməsi riski ilə üzləşirlər - məsələn, depressiya və narahatlıq əlamətləri kimi.

Əksər yeniyetmələr deyirlər ki, sosial media onlara daha çox qəbul edilmiş, çətin anlarda dəstək kimi hiss edilir, dostlarına daha yaxın olmağa və daha yaradıcı olmağa kömək edir.

13-17 yaşlı gənclərin 95%-i sosial şəbəkələrdən istifadə etdiyini, üçdə birindən çoxu isə “demək olar ki, daim” istifadə etdiyini bildirir.

ABŞ-da 13 yaş sosial şəbəkələrdən istifadə üçün minimum yaş olsa da, 8-12 yaşlı uşaqların demək olar ki, 40%-i orada “oturur”.

Vivek Mursi vurğulayır ki, siyasətçilər təhlükəsizlik standartlarını gücləndirməlidirlər, çünki uyğun olmayan və zərərli məzmun hələ də uşaqlar üçün asanlıqla əlçatandır.

O, texnologiya şirkətlərini sosial media platformalarına girişə nəzarət etmək üçün yaş məhdudiyyətlərini tətbiq etməyə və məhsullarının uşaqlara təsiri ilə bağlı məlumatlar haqqında şəffaf olmağa çağırır.

Sənəddə deyilir ki, alqoritmlər və platformanın dizaynı istifadəçiləri onlara daha çox vaxt sərf etməyə məcbur etmək deyil, sosial şəbəkələrin potensial faydalarını maksimum dərəcədə artırmağa yönəlməlidir.

Amerika Psixiatriya Assosiasiyasının baş direktoru Saul Levin də qeyd edir: "Sağlamlığın birinci prinsipi zərər verməməkdir. Bu, sosial şəbəkələrdə də riayət etməli olduğumuz eyni standartdır ".

Psixoloq Fəqanə Mehmanqızı Publika.az-a açıqlaması zamanı bildirib ki, sosial şəbəkədən aktiv istifadə etmək aqressiyaya və diqqət dağınıqlığına gətirib çıxara bilir.

“Çünki sistemdə səhifələr tez-tez yeniləndiyi üçün mövzu dəyişir və bu mövzuya adaptasiya olmaq insanlarda səbirsizliyə səbəb olur. Eyni zamanda həmin xəbərlər və mövzular müxtəlif olur. Hər biri insanın psixikasına, əhval-ruhiyyəsinə fərqli təsir göstərir.

Daha sonra real həyatda müəyyən bir müddət tələb edən vaxta daha uzun dinləmək tələb edən işin yerinə çətinliklər yaradır.

Müəyyən bir vaxta ərsəyə gələcək işin görülməsində, daha uzun və diqqətlə dinləmək lazım olan yerlərdə bunun yerinə yetirilməsi istiqamətində bir sıra çətinliklər yaradır. Bu, həm qız həm də oğlan uşaqlarına təsir edir. Sosial şəbəkələrdən aktiv və daimi istifadə etmək hər bir insanda eyni reaksiyalara səbəb olur. Zərərlərin ana xətti eynidir.

Psixoloji baxımdan həssas insanlarda isə sosial şəbəkələrdəki hadisələrin cərəyan etməsi ağır təsir edir. Və insanları depressiyaya sala bilir”, - psixoloq yekunlaşdırıb.

Ayşən Rəhim