Sosial

Spikerdən nazirlərə SƏRT TƏNQİD: Məktəblilərin dərs yükü azaldılmalıdır

14 Yanvar 2025 17:30

Bəzi nazirliklər vəzifələrini vicdansızlıqla yerinə yetirirlər.

Publika.az TASS-a istinadən xəbər verir ki, bunu Rusiya Dövlət Dumasının spikeri Vyaçeslav Volodin bildirib.

“Bir sıra nazirliklər işlərini yekunlaşdırmır və vəzifələrinin icrasına, açığını desək, pis niyyətlə yanaşırlar", - spiker deyib.

Onun sözlərinə görə, onların məsuliyyət və səlahiyyətləri sahəsində problemlər var. Volodin qeyd edib ki, bu, əlilliyi olan şəxslərin reabilitasiyası üçün texniki vasitələrlə təminat məsələlərinə, səhiyyə və təhsildə kadr çatışmazlığına aiddir.

Spiker nazirliklərin adlarını açıqlamayıb, lakin bu məsələlərin yaz sessiyasında müzakirə olunacağına ümid etdiyini bildirib.

Volodin onu da qeyd edib ki, yaz sessiyası zamanı Dövlət Duması məktəblilərin dərs yükünün azaldılmasını müzakirə edəcək. Onun sözlərinə görə, sessiya zamanı bu məsələ prioritet məsələlərdən birinə çevrilməlidir.

Adəm Abbaslı