Sosial
QMİ Həccə getmək istəyənlərə müraciət etdi

Həcc ziyarətinə getmək istəyən vətəndaşların Novruz və Ramazan bayramı günlərində sənədlərini təqdim edəcəyi ünvanlar açıqlanıb.
Publika.az xəbər verir ki, bununla bağlı Qafqaz Müsəlmanları İdarəsinin (QMİ) Xarici əlaqələr şöbəsinin müdiri və Həcc elektron sistemi məsulu Vüsal Cahangiri vətəndaşlara müraciət edib.
O bildirib ki, Həccə sənədlərin qəbulu Novruz və Ramazan bayramı günlərində də davam edəcək:
"Martın 24-29-da QMİ və əməkdaşlıq etdiyimiz bank işləyəcək. Ona görə də vaxtın azlığını nəzərə alaraq, Həccə niyyəti olan vətəndaşlardan sənədlərini təqdim etmələrini xahiş edirik".
25, 26, 27, 28 mart 2025-ci il tarixlərində qeyd edilən saatlarda qeyd edilən ABB filial və şöbələrinə yaxınlaşaraq xidmətlərdən istifadə edə bilərsiniz.
Bakı-Abşeron üzrə: Sumqayıt, Binəqədi, Yasamal, Sabunçu, Əhmədli, Əcəmi, Nizami, ASAN 1, ASAN 2, ASAN 3, ASAN 5 və ASAN 6 mərkəzləri saat 10:00-17:00 arası sənədləri qəbul edəcək.
Bakı-Abşeron üzrə isə Mərdəkan, Suraxanı, Yeni Sumqayıt, Nərimanov, Səbail, Gənclik, Nəsimi, Şərifzadə, Xırdalan və Xətaidə isə sənəd qəbulu saat 10:00-dan 14:00 ABB filiallarında aparılacaq.
Regionlara gəldikdə isə, Gəncə, Şəki, Lənkəran, Şəmkir, Naxçıvan, Tovuz, Mingəçevir, Gəncə Mərkəz və İmişlidəki ABB filiallarında Həccə sənəd qəbulu həyata keçiriləcək.
Qeyd edək ki, Azərbaycandan Həcc ziyarətinə sənəd qəbulu aprelin əvvəlindək davam edəcək.
Xatırladaq ki, azərbaycanlı zəvvarların Həcc ziyarətinə mayın sonlarında yola düşəcəyi gözlənilir. QMİ-nin məlumatına görə, bir nəfər üçün ziyarət paketinin qiyməti 5 950 ABŞ dolları təşkil edir. Ziyarət vahid formada təşkil olunacaq və hava nəqliyyatı ilə həyata keçiriləcək.

-
Art30 Aprel 22:17
Azərbaycanın Xalq rəssamı vəfat etdi
-
Hadisə30 Aprel 18:30
Şadlıq sarayında 55 nəfərin zəhərlənməsinin səbəbi bilindi
-
Sosial30 Aprel 17:53
İlham Əliyev Baş prokuror vəzifəsinə namizəd irəli sürdü
-
MDB30 Aprel 17:02
Ruslardan Türkiyə ilə bağlı QORXULU ANONS: Ara qarışacaq, işıqlar sönəcək
-
Nida Xəbər 30 Aprel 15:27
Kamran Əliyevin səlahiyyət müddəti sabah bitir - Hansı qərar veriləcək?
-
Elm və təhsil30 Aprel 14:38
DİM imtahanların başlama vaxtını dəyişdi
-
İdman30 Aprel 13:12
"Qalatasaray"ın sabiq ulduzu bu gözəldən ayrıldı - FOTOLAR
-
Sosial30 Aprel 12:48
Azərbaycanın məşhur iş adamı xeyli tələbəni aldadıb - ŞOK İDDİA