Sosial

Umud Mirzəyevin 65 illik yubileyinə həsr olunmuş tədbir keçirildi - FOTO

30 Yanvar 2026 21:39

Beynəlxalq Avrasiya Mətbuat Fondunun (BAMF) prezidenti, Əməkdar mədəniyyət işçisi, tanınmış ictimai xadim, jurnalist və şair-publisist Umud Mirzəyevin 65 illik yubileyi münasibətilə Mətbuat Şurasında tədbir təşkil olunub.

Publika.az xəbər verir ki, bu barədə U.Mirzəyev "Facebook" hesabında məlumat yayıb.

"Bu gün Azərbaycan Mətbuat Şurasında 65 illik yubileyimlə bağlı tədbir keçirildi. Göstərdiyimiz xidmətlər və yubiley münasibətilə tədbirin təşkilatçısı olan Mətbuat Şurasının diplomu ilə təltif olundum. Bu cür əlamətdar tədbirdə iştirak edən Mətbuat Şurasının sədrinə və idarə heyətinin üzvlərinə, millət vəkillərinə, Qarabağ Dirçəliş Fondunun, MEDİA-nın İnkişafı Agentliyinin, AZERTAC, TREND və "First News" İnformasiya agentliklərinin rəhbərliyinə, Türkiyə Səfirliyinin və Mədəniyyət nazirliyinin məsul şəxslərinə və bütün media və ictimaiyyət nümayəndələrinə, dəyərli dostlarımıza, o cümlədən tədbiri işıqlandıran digər televiziya kanallarına və informasiya agentliklərinə təşəkkür edirəm. Yubiley münasibətilə təqdim olunan "Təmannasız missiya" adlı kitabının müəllifi yazıçı-jurnalist Gülşən Behbuda da xüsusi təşəkkürlər!" - o qeyd edib.