İcra başçısının saxta diplomlu müavini işdən qovuldu: Görün indi harada çalışır

Xabarovsk diyarında məmur saxta diplomla işlədiyinə görə həbs olunub. Sovetsko-Qavanski rayon rəhbərinin sosial məsələlər üzrə müavini vəzifəsində çalışan şəxs prokurorun araşdırmasından sonra məhkəmə qarşısına çıxarılıb.

Publika.az xəbər verir ki, bu barədə “Amur Mash” Telegram kanalı məlumat yayıb.

Məmurun karyerası bakalavr dərəcəsini təsdiq edən sənəd təqdim etdikdən sonra yüksəlib, lakin sonradan sənədin saxta olduğu müəyyən edilib. Məmur iddia edib ki, əslində insan resursları meneceri olmaq üçün distant təhsil alırmış və təhsil haqqını ödəyib, lakin dissertasiya müdafiəsinə qatıla bilməyib.

Son mərhələdə ona “alternativ seçim” təklif olunub, xidmət 40.000 rubla (880 manat) başa gəlib və məmur pulu ödəyərək diplomu əldə edib. Prokurorların araşdırması nəticəsində saxta sənəddən istifadə faktı aşkar olunub və cinayət işi başlanıb.

Məhkəmə materialları araşdırdıqdan sonra o, dörd ay müddətinə azadlıqdan məhrum olunub. Qeyd olunur ki, səs-küylü qalmaqala baxmayaraq, kişi hələ də işləyir. Lakin bu dəfə administrasiyada yox, yerli hamamda.

Adəm