FHN-in əməkdaşları beynəlxalq təlimdə iştirak edib - FOTO
Bizi izləyin
Aptekonline

Sosial

FHN-in əməkdaşları beynəlxalq təlimdə iştirak edib - FOTO

FHN-in əməkdaşları beynəlxalq təlimdə iştirak edib - FOTO

Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları Türkiyə Respublikası Milli Müdafiə Nazirliyinin təşkilatçılığı ilə Türkiyənin Ankara şəhərində keçirilən “Türkiyə-Azərbaycan-Gürcüstan SAR Təlimi-2026” təlimində iştirak edib.

Bu barədə Publika.az-a Fövqəladə Hallar Nazirliyindən məlumat verilib.

Təlimin əsas məqsədi dost ölkələrin axtarış-xilasetmə bölmələri və şəxsi heyəti arasında birgə işləmək vərdişlərini artırmaq, qarşılıqlı təcrübə mübadiləsini təşkil etmək və axtarış-xilasetmə sahəsində ən müasir yanaşmalarla tanışlıq olub.

Təlim zamanı şərti olaraq zəlzələ baş vermiş ərazidə dağıntılar altında qalmış “zərərçəkmişlərin” axtarışı və xilasetmə işlərinin təşkili əməliyyatı yerinə yetirilib.

Uğurla keçən təlimin sonunda FHN-in xilasedicilərinə təşkilatçılar tərəfindən müvafiq sertifikatlar təqdim olunub.

Oxumağa davam et
Reklam
Reklam

Gündəm

Aptekonline