Cənubi Qafqaz

Köçəryanla bağlı 10-dan çox şikayət - Avropa Məhkəməsi qeydə aldı

9 Sentyabr 2020 15:24

Avropa İnsan Hüquqları Məhkəməsi Ermənistanın keçmiş prezidenti Robert Köçəryanla bağlı 10 şikayət qeydə alıb.

Publika.az RİA “Novosti”yə istinadən xəbər verir ki, bu barədə onun vəkili Hayk Alumyan “Sputnik Ermənistan”ın mətbuat konfransında bildirib.

“Köçəryana qarşı bu və ya digər qanunsuzluqlarla əlaqədar 10 şikayət qeydə alınıb, daha 2 şikayət isə əlavə işlərlə əlaqədar olub”, - vəkil qeyd edib.

Qeyd edək ki, Ermənistanın Xüsusi İstintaq Xidməti R.Köçəryanı 1 mart 2008-ci il tarixindəki etiraz aksiyalarının dağıdılmasına dair açılan cinayət işi çərçivəsində konstitusion qaydaları pozmaqda günahlandırıb. Bu işə keçmiş Kollektiv Təhlükəsizlik Müqaviləsi Təşkilatının sabiq baş katibi Yuri Xaçaturov, Müdafiə Nazirliyinin keçmiş rəhbəri Seyran Ohanyan və prezident administrasiyasının keçmiş rəhbəri Armen Qevorqyan da cəlb olunur.

Zümrüd