Zəngəzur AYAĞA QALXIB: Paşinyanı kilsədən qovdular - VİDEO

Ermənistanın baş naziri Nikol Paşinyan yerli əhalinin narazılığına baxmayaraq, Sünik (tarixi Zəngəzur) bölgəsində səfərini davam etdirir.

Publika.az xəbər verir ki, Sisiandakı Qriqor Lusaroviç kilsəsinin keşişi Parqev Zeynalyan Nikol Paşinyanın əlini sıxmaqdan imtina edib. O, hökumət başçısından məbəddən çıxmasını istəyib.

Hadisənin görüntüləri sosial mediada yayılıb. Kadrlarda kilsəyə çətinliklə girən Paşinyanın oranı necə tərk etdiyi əks olunub.

N.Paşinyanı səfərdə hərbçilər müşayiət edir.

****

12:38

Ermənistanın baş naziri Nikol Paşinyan Sünik bölgəsindəki yaşayış məntəqələrindən birinin sakinləri ilə görüşüb.

Publika.az xəbər verir ki, o, Gorus-Qafan yolunda Azərbaycanın sərhəd qoşunlarının yerləşdirildiyini və təhlükəsizlik, istismar kimi məsələlərin Rusiya sərhədçiləri ilə birgə təmin ediləcəyini deyib.

Onun sözlərinə görə, bütün bunlar münaqişənin daha da kəskinləşməsinin və yenidən başlamasının qarşısını almaq üçün edilir. Paşinyan əhalini çaxnaşmamağa çağıraraq məsələni həll edəcəyinə söz verib.

Sünik sakinləri isə baş nazirlə danışacaq sözləri olmadığını bildirib.

Zümrüd