Cənubi Qafqaz

"Ermənistan" blokundan SƏRT TƏLƏB: Vəziyyətin daha da gərginləşməsi...

27 İyun 2021 12:21

Ermənistanın Keçmiş prezident Robert Koçaryanın rəhbərlik etdiyi "Ermənistan" bloku tərəfdarlarına qarşı hakimiyyət tərəfindən təzyiq göstərildiyini elan edib.

Publika.az xəbər verir ki, bu barədə Ermənistan mətbuatı məlumat yayıb.

"Hüququn və qanunun diktaturası haqqında danışan rejim, əsas insan hüquq və azadlıqlarını tapdalayaraq çoxsaylı icma liderlərini, ağsaqqallar şuralarının üzvlərini, dövlət məmurlarını, iqtisadi, mədəni, elmi, təhsil, tibbi işlərlə məşğul olan şəxsləri hədəf alıb. İşdən çıxarılma və başqa hüquqların məhdudiyyəti üzrə qanunsuz hərəkətlər sistematik və kütləvi xarakteri daşıyır", - blokun yaydığı bəyanatda deyilir.

Blok, səlahiyyətli qurumlardan dərhal siyasi baxışlara əsaslanan zülm və şiddəti dayandırmağı tələb edib. Əks təqdirdə ölkədəki vəziyyətin daha da gərginləşməsinə görə bütün məsuliyyətin hazırkı hakimiyyət orqanlarının üzərinə düşəcəyi vurğulanır.

Hüseyn