Ankara-İrəvan danışıqlarında Liparityan şifrəsi

"Jirayr Liparityanın Ankara-İrəvan danışıqlarında Ermənistanın maraqlarını müdafiə edə biləcəyinə inanmıram. Liparityanı ABŞ-dan 2 məqsədə görə göndəriblər. Birincisi, Qarabağla, ikincisi "soyqırımı" ilə bağlı məsələdir".

Publika.az xəbər verir ki, bunu Ermənistanda ictimai xadim və aktivist kimi tanınan Koryun Manukyan deyib. O, Liparityanın Türkiyə-Ermənistan dialoqlarına qoşulmasının anlaşılan olduğunu bildirib:

"Liparityan erməni cəmiyyətinə başa salacaq ki, Ermənistan artıq Qarabağı əbədi olaraq itirib və erməni cəmiyyəti bununla birdəfəlik barışmalıdır. İkincisi, Ermənistan dövləti 1915-ci il "soyqırımı" ilə bağlı siyasətini dünyada tanıtmaq işindən rəsmi olaraq əl çəkməlidir. Ankaranın dialoq üçün ilkin şərtləri bunlar idi. Görünür, Nikol Paşinyan Türkiyənin bu şərtləri ilə razılaşıb. İndi onu xalqa izah etmək üçün Liparityanı İrəvana dəvət edib. ABŞ isə Rusiya faktoruna görə bu işin çözülməsində maraqlıdır. Təhlükəli tendensiyalarla üz-üzəyik. Ermənistan hansısa bir yanlış addım atarsa, məhv ola bilər".

Tural Turan