Cənubi Qafqaz

Marneulidə yaşayış binasının eyvanı uçdu: ölən və yaralılar var - FOTO

26 İyun 2022 22:00

Marneulidə Nəriman Nərimanov küçəsində yerləşən binalardan birinin eyvanı uçub.

Publika.az yerli KİV-ə istinadla xəbər verir ki, binanın 5-ci mərtəbəsinin eyvanı uçaraq 4-cü mərtəbənin eyvanına düşüb.

Hadisə anında qonşular söhbət edirlərmiş və hadisə baş verən zaman eyvanın biton töküntüləri 4-cü mərtəbənin eyvanında dayanan orta yaşlı qadının üzərinə düşüb. Qəzadan az sonra qadının hadisə yerində həyatını itirdiyi bildirilir.

Sakinlərin sözlərinə görə, bədbəxt hadisə zamanı ümumilikdə 3 nəfər xəsarət alıb, onların vəziyyəti qənaətbəxşdir.

Hadisə yerinə çox sayda polis, fövqaladə hallar nazirliyinin əməkdaşları və təcili tibbi yardım briqadası cəlb olunub, müvafiq tədbirlər görülür.