İrəvan-Vaşinqton əlaqələrində yeni mərhələ? - Paşinyanın müavini
Bizi izləyin

Cənubi Qafqaz

İrəvan-Vaşinqton əlaqələrində yeni mərhələ? - Paşinyanın müavini

Məxməri inqilabdan sonra Ermənistan-Amerika münasibətlərinin səviyyəsi keyfiyyətcə yeni mərhələyə qədəm qoyub.

Publika.az xəbər verir ki, bunu Ermənistan Baş nazirinin müavini Ambartsum Matevosyan bildirib.

“İkitərəfli hökumətlərarası məsləhətləşmələr iqtisadi çərçivədən strateji dialoqa çevrilib. Mən şadam ki, bu gün bizim hüquqi islahatlardan, korrupsiyanın qarşısının alınmasından tutmuş enerji və informasiya texnologiyalarına qədər bir çox sahələri əhatə edən tam gündəliyimiz var”, – Ermənistan Baş nazirin müavini ABŞ-ın müstəqilliyinin ildönümünə həsr olunmuş qəbulda çıxışı zamanı deyib.

“Məmnunluq hissi ilə qeyd etməliyəm ki, 2022-ci ilin yazında erməni-amerikan strateji dialoqun illik görüşləri bərpa olundu, mayın 2-də isə Ermənistan xarici işlər naziri və ABŞ dövlət katibi Vaşinqtonda yekun sessiyaya başladılar. 2022-ci il strateji dialoqun nəticələrindən biri də iki ölkənin xarici işlər nazirliklərinin rəhbərləri tərəfindən imzalanmış “Mülki nüvə əməkdaşlığı” üzrə anlaşma memorandumu hesab edilməlidir. Əminəm ki, bu sahədə əməkdaşlığın dərinləşməsi Ermənistan üçün yeni imkanlar açacaq”, – Ambartsum Matevosyan bildirib.

Səxavət

Oxumağa davam et
Reklam
Reklam

Gündəm