KTMT sərhədlə bağlı sammitdə hansı qərarı verdi?

Kollektiv Təhlükəsizlik Müqaviləsi Təşkilatının Ermənistan-Azərbaycan sərhədində baş verənlərlə bağlı sammiti keçirilib.

Publika.az xəbər verir ki, bu barədə məlumatı Kremlin sözçüsü Dmitri Peskov yayıb.

Bildirilib ki, bugünkü sammitdə Rusiya lideri Vladimir Putin, Qazaxıstan lideri Qasım Jomart-Tokayev, Qırğızıstan Prezidenti Sadır Japarov, Ermənistan Baş naziri Nikol Paşinyan, Tacikistan baş naziri Kohir Rəsulzadə, Belarus TŞ katibi Aleksandr Volfoviç, KTMT baş katibinin müavini Valeri Semerikov iştirak edib.

Ermənistanın müraciəti əsasında keçirilən iclasda Paşinyanın sərhədlə bağlı məlumatı dinlənilib.

Daha sonra Ermənistan-Azərbaycan sərhədindəki vəziyyət və KTMT-nin gələcək fəaliyyəti müzakirə olunub. Təşkilatın katibliyi qəbul edilmiş qərarlar barədə əlavə məlumat verəcək.

xxx

22:44

Kollektiv Təhlükəsizlik Müqaviləsi Təşkilatının Ermənistan-Azərbaycan sərhədində baş verənlərlə bağlı sammiti başlayıb.

Publika.az xəbər verir ki, bu barədə məlumatı Kremlin sözçüsü Dmitri Peskov yayıb.

Bildirilib ki, Rusiya lideri Vladimir Putin də onlayn sammitdə iştirak edir.

Sammit Ermənistanın müraciəti əsasında çağırılıb. (Axar.az)