Cənubi Qafqaz

Erməni müxalifəti Rusiyanı hədələdi: Dediyimizi etməsəniz...

28 Dekabr 2022 17:32

Müxalifətdə olan Ermənistanın “Milli Demokratik Qütb” Partiyasının (MDP və ya Bever) üzvü Vahe Qasparyan Rusiya Silahlı Qüvvələrinin 102-ci hərbi bazasını blokadaya almaqla hədələyib.

Publika.az xəbər verir ki, bu barədə “Novosti-Armeniya” yazıb.

“Əgər yaxın günlərdə Laçın yolu açılmasa, o zaman xalqımıza müraciət edəcəyik ki, Gümrüdəki hərbi bazanı blokadaya alsınlar”, - deyə Qasparyan bildirib.

“Bunun üçün Bever Ermənistanın siyasi dairələri ilə müzakirələr aparacaq, onların Qarabağın ruslar tərəfindən blokadaya alınması ilə bağlı qiymətləndirmələri bizimkilərlə üst-üstə düşür. Qarabağ necə blokadaya alınıbsa, Rusiya hərbi bazası da eyni şəkildə mühasirəyə alınacaq”, - deyə Qasparyan mətbuat konfransında deyib.

Qeyd edək ki, MDP Ermənistan parlamentində təmsil olunmur.

Akqabay

Teqlər Gümrü