Razılaşdılar: Papikyan istefaya gedir

“Ermənistanın müdafiə naziri Suren Papikyan istefa verərək diplomatik xidmətə keçəcək”.

Publika.az xəbər verir ki, bu barədə “İravunk” qəzeti öz mənbələrinə istinadən yazıb.

Nəşrin məlumatına görə, Papikyan və baş nazir Nikol Paşinyan artıq bu barədə razılığa gəliblər, qərar birgə qəbul edilib.

“Paşinyan birdən-birə iki problemi belə həll edir: “ağalarının” Papikyanı işdən çıxarmaq tələbini yerinə yetirir, həm də Qeqarkunikdə 15 hərbçinin ölümündən sonra cəmiyyətdə yaranmış gərginliyi azaldır”, – məqalədə deyilir.

Qəzetin yazdığına görə, Papikyan “az tozlu” işlə məşğul olacaq və “yaxşı kadr fəaliyyətsiz qalmaz” mesajı ilə “Mülki müqavilə” partiyasının digər üzvlərinə nümunə olacaq.

Bundan əvvəl Ermənistan KİV-i yazmışdı ki, Papikyanın kazarmada baş verən yanğından və 15 əsgərin ölümündən sonra baş verən “Mülki müqavilə”nin nümayəndələri ilə qapalı görüşü zamanı bəzi deputatlar onun istefasının zəruriliyindən danışıblar. Lakin kollektiv olaraq bunun təxirə salınmasına qərar verilib.

Akqabay