Sərhədlərimizdə Fələstin qalmaqalı davam edir

Dağıstanda iğtişaş iştirakçılarının saxlanılması prosesi davam edir.

Publika.az TASS-a istinadən xəbər verir ki, İstintaq Komitəsi Dağıstandakı iğtişaşlarda fəal iştirak edən 20-dən çox şübhəli şəxsi müəyyənləşdirib. Bu barədə RF İK-nin mətbuat xidməti məlumat verib.

"İlkin məlumatlara görə, iğtişaşlar nəticəsində dəymiş ziyan yüz milyonlarla rubl təşkil edib. Lazımi ekspertizalar təyin edilib. Dəymiş ziyanın dəqiq məbləği araşdırılır”, - deyə məlumatda qeyd olunub.

Rusiya Federasiyasının qanunvericiliyi zorakılıq və qırğınlarla müşayiət olunan kütləvi iğtişaşlarda iştiraka görə 3 ildən 8 ilədək müddətə azadlıqdan məhrum etmə cəzasını nəzərdə tutur.

Qeyd edək ki, oktyabrın 29-da Yaxın Şərqdə vəziyyətin pisləşməsi fonunda Mahaçqala hava limanında Təl-Əvivdən müntəzəm aviareysin gəlməsi ilə bağlı kütləvi iğtişaşlar baş verib. İğtişaşçılar hava limanının binasına və aerodrom ərazisinə daxil olublar. Onlar İsrail-Həmas müharibəsində Fələstinə dəstək nümayiş etdiriblər.

Cəmilə Hətəmxanova