Azərbaycanlı kinematoqrafçıların UĞURU

11 nəfər kinematoqrafçımız - Rafiq Quliyev, Ayaz Salayev, Vaqif Mustafayev, Hüseyn Mehdiyev, Rüfət Həsənov, Orman Əliyev, Teymur Hacıyev, Elvin Adıgözəl, İlqar Nəcəf, İradə Bağırzadə və Asif Rüstəmov Avropa Film Akademiyasının üzvü seçilib.

Publika.az xəbər verir ki, bu barədə Azərbaycanfilmstudiya məlumat yayıb.

Bildirilib ki, Avropa Kino Akademiyası 1989-cu ildə Avropa Kino Cəmiyyətinin ilk prezidenti İnqmar Berqman və 40 kinorejissor tərəfindən Avropa kino sənayesinin maraqlarını inkişaf etdirmək üçün yaradılıb. Avropa Kino Akademiyasının illik mükafatlandırma mərasimi (1996-cı ilə qədər Feliks Mükafatı adlanırdı) akademiyanın keçirdiyi əsas tədbirdir. Mərasim adətən dekabrın əvvəlində Avropanın müxtəlif şəhərlərində (ən çox Almaniyada) keçirilir. İlk mükafatlandırma mərasimi simvolik olaraq 1988-ci il noyabrın sonunda Qərbi Berlində keçirilib. Yalnız Avropa filmləri, rejissorlar və s. iştiraka icazə verilir. Qaliblərin müəyyən edilməsi proseduru 40 namizədin irəli sürülməsi ilə başlayır, onların arasında noyabrın əvvəlində elan edilən dörd namizəd müəyyən edilir. Akademiya üzvləri mükafatlandırma mərasimində elan edilən səsvermə yolu ilə qalibləri müəyyən edirlər.