Tabloid.az

Gülnarə Xəlilova model kimi podiuma çıxdı

10 Mart 2015 16:10

Bakıda modelyer-dizayner, sənətşünaslıq üzrə fəlsəfə doktoru Gülnarə Xəlilovanın moda gecəsi keçirilib.

Publika.az-ın məlumatına görə, modelyerin ziyafət paltarları və milli geyimlərdən ibarət yeni rəngarəng kolleksiyası gecənin qonaqları tərəfindən gurultulu alqışlarla qarşılanıb.

Bayram tədbirləri və təntənəli məclislər üçün nəzərdə tutulmuş parlaq ziyafət paltarları moda gecəsinə xüsusi ovqat bəxş edib. Milli geyim kolleksiyası isə özündə yalnız qədim ənənələri deyil, eyni zamanda, müasir geyim elementlərini əks etdirib. Parlaq geyim elementləri və ornamentlərlə, hətta qədim cəngavərlərin döyüş geyiminin elementləri ilə bəzədilmiş ağ gəlinlik paltarı isə gecənin kulminasiya nöqtəsi olub.

Maraqlıdır ki, gecənin sonunda Gülnarə Xəlilova özü dizayn etdiyi milli geyimdə model kimi podiuma çıxıb. O, milli adət-ənənələrimizin qorunub saxlanılması və inkişaf etdirilməsi məqsədi ilə ölkədə milli geyim gününün təsis olunmasının vacibliyini söyləyib.

Cəvahir