Siqaretin mənfi təsirlərini azaldan qidalar

Buffalo universitetinin alimləri siqareti tərgitmək üçün tələb olunan qidaları araşdırıblar. Onlar belə bir nəticəyə gəliblər ki, siqareti tərgitmək üçün gündəlik rasionda meyvə və göyərtinin həcmini çoxaltmaq lazımdır. Tabloid.az xarici mətbuata istinadən xəbər verir ki, bu üsulla siqaret çəkənlər bu zərərli vərdişdən daha əziyyətsiz qurtula bilərlər.

Diyetoloqlar siqareti tərgitmək istəyən insanların üstünlük verməli olduğu qidaların siyahısına siqaretin dadını korlayan qidaların siyahısını da daxil ediblər. Siqareti tərgitməyə pomidor, istiot, badımcan, süd və digər qidalar yardım edir.

Bundan əlavə, siqaret çəkməyə meyilliliyi artıran və tüstünün dadını yaxşılaşdıran, tərkibində kofeinin miqdarı artıq olan qidalardan uzaq durmağı tövsiyə ediblər. Bu qidalara isə xüsusilə qəhvə, çay və koka-kola daxildir. Əgər kimlərsə siqareti tərgidə bilmirsə, diyetoloqlar onlara rasionlarını tərkibində C vitamini bol olan sitrus meyvələri ilə zənginləşdirməyi məsləhət görürlər.

tabloid.az