Dünya
Lavrov ABŞ-ın riskli planını ifşa etdi
“İŞİD terror qruplaşmasının döyüşçülərinin İraqın Mosul şəhərindən Suriya ərazisinə keçə biləcəyi ilə bağlı risk mövcuddur”.
Publika.az “RİA-Novosti” agentliiynə istinadən xəbər verir ki, bunu Rusiyanın xarici işlər naziri Sergey Lavrov Moskvada keçirilən mətbuat konfransında deyib.
Onun sözlərinə görə, Moskva İŞİD döyüşçülərinin Mosuldan Suriyaya keçidinin riskləri ilə əlaqədar vəziyyəti qiymətləndirəcək.
“Ən azından bir dəhliz qalıb. İŞİD döyüşçüləri bu dəhlizlə Mosuldan Suriyaya keçə bilər. Bu halda Suriyada İŞİD-in əlavə kontingentləri çıxacaq, Biz, əlbəttə ki, vəziyyəti qiymətləndirəcəyik və həm siyasi, həm də hərbi qərarlar qəbul edəcəyik”, - Lavrov bildirib.
O, ümid etdiyini bildirib ki, ABŞ-ın başçılıq etdiyi beynəlxalq koalisiya bu məsələyə diqqət yetirəcək: “Mənim bildiyim qədər, Mosul şəhəri tamamilə mühasirəyə alınmayıb. Bilmirəm, hansı səbəbdən ola bilər, sadəcə bacarmayıblar”.
Qeyd edək ki, eyni narahatlığı bu gün “Milliyyət” nəşrinin yazarı Serpil Çevikcan da ifadə edib. Onun sözlərinə görə, Mosuldan çıxarılacaq İŞİD döyüşçüləri üçün Suriya xətti açıq saxlanılıb.
Serpil Çevikcan qeyd edir ki, İŞİD döyüşçülərinin gedəcəyi yerlər arasında Türkiyə ordusu ilə Azad Suriya Ordusunun hədəfində olan Əl-Bab və İŞİD-in “paytaxt”ı Rakkanın olması daha çox ehtimal edilir. O hesab edir ki, İŞİD-in Suriyaya yönəldilməsinin əsas səbəbi Suriyada Türkiyənin təsirini azaltmaqdır.
Ömər Dağlı
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ
-
Nida Xəbər 13:10
Paşinyan 5 saatlıq qapalı görüşdə 4 kəndlə bağlı nələr deyib?