Pxenyan geri çəkildi - Nüvə silahından bu şərtlə imtina edəcək
Bizi izləyin
Aptekonline

Dünya

Pxenyan geri çəkildi - Nüvə silahından bu şərtlə imtina edəcək

Pxenyan geri çəkildi - Nüvə silahından bu şərtlə imtina edəcək

Koreya Xalq Demokratik Respublikası (KXDR) Koreya yarımadasının denuklearizasiyası üzərində işləmək arzusunu ifadə edib.

Publika.az “RİA-Novosti” agentliyinə istinadən xəbər verir ki, bu haqda Cənubi Koreya prezidentinin administrasiyasının xəbərində deyilir.

Xəbərə görə, Pxenyan hətta Cənubi Koreyaya qarşı silahların adi növlərindən istifadə etmək niyyətində deyil. Şimali Koreyanın təklifi Cənubi Koreyanın hökumət nümayəndə heyətinin Pxenyana ikigünlük səfərində - çərşənbə axşamı səsləndirilib.

Məlumata görə, Pxenyan nüvə silahından imtina qarşılığında ABŞ-dan ölkədəki rejimin təhlükəsizliyinin təmin olunmasını istəyib.

“Koreya Xalq Demokratik Respublikası Koreya yarımadasının denuklearizasiyasına sədaqətini aydın şəkildə təsdiq etdi və bildirdi ki, hərbi təhdid olmadığı və rejim üçün təhlükəsizlik zəmanətləri verildiyi halda nüvə silahlanması olmayacaq”, - xəbərdə qeyd edilib.

Ömər Dağlı

Oxumağa davam et
Reklam
Reklam

Gündəm

Aptekonline