Moskva ABŞ-ın dəhşətli planını AÇIQLADI

Suriyanın paytaxtı Dəməşqin şəhərətrafında yerləşən Şərq Quta bölgəsində xlor tərkibli kimyəvi maddə “An-Nüsra” Cəbhəsi terror qruplaşmasının döyüşçüləri tərəfindən tətbiq edilib.

Publika.az “RİA-Novosti” agentliyinə istinadən xəbər verir ki, bu haqda BMT Təhlükəsizlik Şurasının iclasında Rusiyanın BMT-dəki daimi nümayəndəsi Vasiliy Nebenzya bildirib.

Olun sözlərinə görə, terrorçular martın 5-də kimyəvi maddə tətbiq ediblər və nəticədə 30 dinc sakin zərər çəkib. Rusiyalı diplomat bildirib ki, bu, suveren Suriyaya qarşı birtərəfli güc tətbiqinə əsaslar yaratmaq üçün edilir.

Qeyd edək ki, iclasda daha əvvəl çıxış edən ABŞ-ın BMT-dəki daimi nümayəndəsi Nikki Heyli Birləşmiş Ştatlar Suriya üzrə yeni hərbi hərəkətlərə hazır olduğunu bildirib.

Martın başlanğıcında Suriya prezidenti Bəşər Əsəd bildirib ki, Qərb Suriyaya zərbələrin endirilməsi üçün səbəb kimi kimyəvi silahın tətbiqi mövzusundan istifadə edir. Rəsmi Dəməşq dəfələrlə vurğulayıb ki, ölkədə kimyəvi silahın bütün ehtiyatları məhv edilib.

Həmçinin, Suriyanın Xarici İşlər Nazirliyi bildirib ki, Şərq Qutada döyüşçülər Dəməşqi ittiham etmək üçün kimyəvi hücumu səhnələşdirmək niyyətindədir.

Ömər Dağlı